黃店的食物來源問題 (Patreon)

今朝一早起身就睇到有線新聞特輯，訪問黃店同藍店老闆嘅感受，其中一個仆街藍店女人用極度諷刺嘅口吻話咁黃店咁憎大陸咁憎中國咁你唔好用水呀！

其實呢個問題我一早喺三月之前，同其中一間黃店老闆討論過，佢都承認呢個係一個嚴重嘅問題，佢哋已經將所有食材同埋用具都改用非中國出產來源地，但係就係解決唔到水嘅問題，必定用緊東江水！但係後來佢又同我講其實都可以有奇蹟嘅，因為佢哋聯同其他黃店，發掘到一個新嘅供應商，就係原來香港有專門運日本水過嚟嘅水供應商！我諗都冇諗過，但係問題就係成本當然貴好多啦，日本水嘅成本比東江水起碼貴幾陪！咁若果黃店再加價，黃絲肯唔肯俾貴啲嘅價錢先？呢個我都有懷疑！因為其實所有人都好現實，所謂政治理念一講到錢就退肽㗎啦！我當然希望佢哋成功啦，若果成事佢哋就可以寫明100%非中國原材料！