關於國泰被黨府入股之聯想! (Patreon)
Published:
2020-06-10 02:55:26
Edited:
2020-06-10 02:56:00
Imported:
2021-07
Content
國泰今日呢單野,點都係鋪定路太古全面退場㗎啦!到時就係大陸同香港政府全面管控國泰港龍以及香港快運!
若果你話係純商業就冇得好講,但係我真係唔會信囉!所以不如我又分享一單小故事俾大家聽!
話說十幾年前我喺香港搭港龍飛廈門,入閘嘅時候突然間比地勤冇任何表達嘅情況之下撕爛我張boarding pass,再比張新嘅我,我當時完全唔理解發生乜事,仲天真地認為唔通update我,但上到去嘅時候係冇,只係掉咗我去中間位,我原本一早上網攞咗最尾嗰排最後尾個位!咁我就即刻同個倉務經理投訴!佢就話冇問題你回程嘅時候就會有同事向你解釋㗎啦!
當然我由廈門飛香港之後,冇任何人同我解釋,咁我極度不滿意我就堅決唔落機企係個機門,等到個客戶服務經理落嚟為止(若果依家應該會俾人批鬥)我等足近一個鐘佢哋妥協叫咗總公司經理落嚟,不過都係解釋唔到點解冇任何知會之下逼我轉位!呢件事我同佢哋公司糾纏左三個月,佢哋都係堅持唔話俾我聽原因,直到一個我認識嘅港龍高層私底下同我講:「你唔好再逼佢地答你啦!佢哋因為你嘅投訴已經癲咗!因為佢哋係唔可以答你!因為嗰日係突然間保安局要押解犯人,佢哋就必須要港龍騰空最尾果行比佢哋去押犯!」咁以後政府入股國泰,我就諗到以後政府部門或者中央政府要押邊個去邊度,就無法無天㗎啦!