疫症用藥聯想 (Patreon)

關於呢次武漢肺炎全世界爆發，各國係用藥方面都有唔同嘅理解，我當然唔係專業人士，但係有啲報道又令我有啲聯想可以同大家分享吓！

話說有幾個國家包括美國，都聲稱用嚟醫治瘧疾嘅藥物療程有助對付武漢肺炎，當然亦都有相反嘅意見！

另一邊廂，好多國家尤其是美國非常之多小朋友患咗武漢肺炎之後，喺醫院出現嚴重嘅皮膚炎，正確醫學名叫做川崎症，川崎症我係90年代認識，因為當時我去日本川崎旅行，就係以呢個地方命名，係一種到而家都唔知道原因主要針對小朋友嘅免疫系統失調，令到皮膚有嚴重發炎嘅情況。

咁令我聯想起我上年去西非之前，要想衛生署同醫生傾防疫問題，我就要帶咗整整一個月嘅瘧疾藥療程，但當時衛生署醫生並冇向我透露，原來嗰隻瘧疾藥，竟然導致我有嚴重副作用就係係我之前玩過濕疹嘅地方重新出現嚴重濕疹同皮膚潰爛情況！情況要我由西非返嚟之後一個月先至康復！

所以令我聯想到川崎病同醫治瘧疾藥其實係咪有啲關連呢？希望真係有專業人士去慢慢解拆！

講真，人類真係好渺小嘅咋！唔知嘅嘢實在太多！