另類食藥的奇妙故事 (Patreon)

上次因疫情高峰，只取藥，沒見醫生，今日下午終於復診！而且見證一件有趣事，一定要分享，可能幫到人！

話說自從中風後要控制血壓，但一直食住兩隻血壓藥也高，上年六月加多了一粒，最初有效，但之後半年之社會活動令我壓力好大，血壓又打回原形！

但我不想再加藥，點算！

於是這半年不斷自我減壓，另外我二月聽英國BBC節目，講到有醫生做了個實驗，將一批病人服用血壓藥的時間由日頭改為夜晚，一段時間後有明顯改善！

我就膽粗粗自己改了服藥時間，一粒去水血壓藥仍然午餐食，其他兩隻晚餐食！最初兩星期沒有太多改變，但堅持了三個月，近月效果係好明顯，上下壓都靚曬！

今日同醫生講曬成個故事，醫生話完全冇問題，可以用我這方法繼續服藥！多謝BBC！