一個關於何鴻燊的小故事 (Patreon)

想了幾天還是告訴大家一個關於何鴻燊的小故事！話說十幾年前因為工作關係有幸去到一位名人家中作客食飯，由於我自己性格唔好，口沒遮攔，去到人哋屋企周圍睇嘢就唔應該亂講野，但當時見到客廳內，放有一張名人母親與何鴻燊的照片，實在是會覺得奇怪的，於是乎就多口出聲：「點解會有何鴻燊幅相嘅？」賴嘢啦！當時名人母親有少少尷尬冇出聲，名人就好大聲咁話：「就係囉，當日唔好好把握機會，後來就失去機會啦，唔係依家何鴻燊就係我老竇啦！ 」要知道在席還有其他出名朋友，大家聽完真係一句聲都唔敢回.......後來有另一位名人同我講：「雲海你真係大膽問啲咁嘅嘢，你知唔知道邊個邊個嘅阿媽以前係何鴻燊嘅情婦嚟㗎 ！」我真係鬼知咩！