「暖男花店」影評 (Patreon)

電影公司戰戰兢兢邀請我睇日本電影「暖男花店」傳媒優先場，係驚呢啲似係俾女觀眾睇嘅愛情小品！但我又覺得無論由故事到劇情，都幾好睇喎！尤其是講單戀，咁呢個我經驗多！

故事好簡單，一個開花店嘅日本男仔，做嘢好細心，又好關心朋友，所以原來身邊幾個女士都單戀佢，其中最高潮位就係個有夫之婦客人要同佢表白，簡直係笑死全場！

其實故事簡單得來，有描寫到每個人對每個人嘅愛意好多時候都係深藏不露，我越嚟越覺得人生最好玩嘅地方就係大家都錯摸，自己同對方都不斷有幻想，都係果句可能永遠得唔到先係最快樂！電影最尾其實都冇講到大家得唔得到，觀眾自己可以思考劇情之餘又可以思考人生！我成日都話一套好嘅電影其實唔使太過複雜，有時睇得舒服就得啦，反而而家好多荷里活片扭盡六壬，搞鬼錯晒！