選舉事務處內部的陰謀！ (Patreon)

之前喺留言都講到，我對於選舉事務處係相對比其他人熟悉，而且我有我自己嘅人脈網絡，早陣子有選舉事務處內部人士同我講，佢哋請咗一批合約制嘅新員工，專責處理新登記選民嘅申請，由今個月開始去到七月就結束，即係大概三個月時間，相關新入職公務員就表示其實根本就處理唔切申請，但最奇怪嘅係佢哋合約上面寫到明係每日嘅18:00收工，但一去到17:00，佢哋啲上司就要求佢哋全部停止工作準備放工！吓！全部新入職同事都覺得相當離奇，選舉事務處好似有心想處理唔切所有新申請！咁就好容易令到新登記選民係九月份其實係選唔到！如果之後新選民自己唔查察，到九月份投票當日佢其實係投唔到票！政府呢種陰謀真係好鬼死賤格！