香港民主女神像深水埗展覽 (Patreon)
Published:
2020-05-23 01:57:00
Edited:
2020-05-23 03:09:23
Imported:
2021-07
Content
話說尋晚出席香港民主女神團隊喺香港深水埗搞嘅展覽開幕導賞。之前都提過我喺日本參觀左佢哋日本部份嘅展覽,其中比藍絲獅子山摧毁嘅大女殘骸,部份都喺今次展覽中有展出!其中當日香港民主女神象咩住嗰個大背囊都竟然喺度!原來真係好重!設計者後來同我講原來呢個背囊係真係用得放到野㗎!
當然每一次香港民主女神象搞展覽,極權都會嚟對付,原來喺開幕前一日,佢哋原本想將所有相關大女嘅碎片放埋喺樓下嘅咖啡室作展覽,點知食環署就成對人嚟對付佢哋,話佢哋違反飲食牌照,唔准佢哋喺咖啡室擺展覽物品!由於呢班都係文宣斯文人唔夠膽同食環署理論就撤走擺喺咖啡室嘅展品啦,剩返樓上一樓嘅正式展區,但係我真係火都嚟若果咖啡室原來唔可以擺展品係法律咁你真係唔見你喺全香港所有咖啡室執行法例唔准擺任何野!
所以到底呢場展覽會會唔會被繼續對付針對或者被取替呢?真係唔知!所以有心參觀嘅就盡早去啦,不過要預先預約㗎 !以下係相關資料:
香港民主女神團隊於5月21日至6月7日期間,假深水埗,大南街198號 Openground 舉行為期十八天的「我重未__得」展覽!因疫情及限聚令的實施,我們將會以預約形式讓安排參觀展覽。請到以下網址並選取閣下到訪時間及人數,並留下聯絡方式以便作出相應的安排。
https://www.facebook.com/events/562302914391278/