黑警搞我母校舊校舍 (Patreon)
Content
話說下晝就開始有人同我講,我母校彩石里舊校舍,警方話發現炸彈,於是乎成個下晝就留意新聞都頭先大約夜晚9:00,咁班警察就喺我哋校舍前邊做直播記者招待會,我就睇晒!
咁我真係要講兩句!我完完全全唔相信警方所講嘅任何說話,亦都完完全全唔相信佢攞嗰啲證物!
首先,自從我哋搬咗校舍之後,我哋校方交返條鎖匙比政府之後,過去咁多年長期係警務處用來做訓練嘅借用場地!真係冇一百次都有幾十次!之後你話有人喺個校舍裏邊收埋啲炸彈零件?!吓!我諗最有可疑嘅人係你地囉!你哋有我哋學校鎖匙隨時出入,甚至過去咁多年到底有幾多人去配過多一把鎖匙我哋又唔知,過去10年最熟悉呢個校舍嘅人就係你哋警務處,再加上街坊透露,早幾日警務處先至用過呢個校舍做訓練咋!根據你哋嘅故事,即係話早幾日用過呢個校舍訓練完,就有你形容嘅暴徒入咗我哋校舍將炸彈收埋喺其中一個男廁廁格?!咁得意嘅!
你話有四個後生仔今日下晝去我哋學校玩war game發現炸彈,咁我當佢哋係爬窗入去啦!我間校舍都相當大㗎,有咁好野一搵又搵到成批疑似炸藥零件?!
好啦你頭先記者招待會講你哋係個廁格裏面搵到個行李箱裏面裝左零件,但你好嘢到成個記者招待會你個行李箱都冇show出嚟!現場啲記者又豬,完全唔識問!似係阿Sir你攞個行李篋帶啲嘢入去囉!好啦睇吓你所謂嘅零件啦,個壓力煲新到好似啱啱永安買返嚟咁,其他手機配件乾淨到好似消毒過咁!但你又話係有人喺Poly偷出嚟擺喺度,上年11月到而家塵都冇?
你就算要屈啲示威者喺Poly吐出來你都用下腦呀!當時係人都知全世界鏡頭望住,啲後生仔要離開Poly都難過登天,可以成功帶走啲化學物品離開咁撚犀利?!
黑警要作故仔、要部署出現本土恐怖分子、要自編自導自演、要搵藉口立23條.........你都唔好搞撚我母校舊校舍!