尋找新屋嶺集中營入口 (Patreon)
Published:
2020-04-28 03:26:45
Edited:
2020-04-28 03:30:20
Imported:
2021-07
Content
之前講過,我和友人從沙嶺墳場遠眺到新屋嶺集中營,期間清楚見到兩架泥頭車落山,已經被擴建嘅集中營面積相當大,有工程繼續即係話裏便仲繼續擴張緊!
咁拜祭完手足之後,我哋就決定搵上新屋嶺嘅路,根據地圖指示同我哋眼見嘅方向,經過山腰上到半山條路,就見到警犬訓練總部,而對上山頭,密林之中,隱約就見到嗰座建築物,但係好奇怪,點樣都搵唔到嗰條上山嘅馬路!咁啲泥頭車點上落㗎?說時遲那時快又見到架狗車出現!但點都搵唔到路上去。講真我驚就唔驚啊,你咪試吓捉我入去囉!但最終,今次都係尋找進入新屋嶺道路失敗告終!
但係我想表達嘅係,其實環顧四周都幾恐怖,單單喺集中營不遠處,警犬訓練總部附近,就已經有一啲看似荒廢嘅建築物,四周圍上鐵板圍欄,但明顯係可以有開門位置.....咁呢啲荒廢建築物裏面真係做乜都冇人知㗎啦!都唔使喺新屋嶺集中營,黑警係呢啲廢屋裏面要殺人要虐待要肢解真係冇人會發現!