車臣國家電視台的訪問 (Patreon)

「旅遊回憶」：真係諗唔到原來已經係八年前嘅事，2012年老友Peter帶着我哋呢班香港人成為第一個前往車臣嘅旅行團！由於當地來講都係件大事，其中一日佢哋嘅國家電視台派人哋專訪我哋，由於我着住佢總統件T恤，我就被揀選成為訪問對象！當晚喺當地電視台播出！企喺我隔離嗰個靚仔，就係以前我節目裏邊講過，車臣外交部專責成程睇住我哋嘅阿當！大家睇到呢度可能有兩個疑惑，點解車臣會有國家電視台、點解車臣會有外交部？因為車臣真係一個共和國，屬於俄羅斯聯邦一份子，而俄羅斯同佢哋嘅協議就係保留着佢哋有自己嘅外交部同埋行政決策權，衰啲咁講佢哋嘅高度自治同一國兩制比我哋香港大好多！