余仁生家族舊古堡嘅神秘古墓已被填平！ (Patreon)

若果你有睇過我以前啲靈異書、這有睇返我上年喺呢度patreon 寫俾大家睇嘅個案，就會知道大埔昔日余仁生家族舊古堡位置（即係而家雅景花園）一直仲保留著佢哋家族嘅神秘地下古墓！呢個古墓究竟係佢哋家族成員嘅祖墳、義塚、定係風水墓？一直都冇人知道亦都冇人查得到包括我。不過由於每年春秋二祭余仁生家族後人都會去返個涼亭自己祖墳參拜，而從來都冇去隔離個地下古墓進行過任何儀式，咁我就認定同余仁生家族成員完全無關。20幾年呢個地下古墓嘅位置就喺條排水渠隔離令到該位置形成一個死水潭，引起環境污染！咁上年相關嘅業主管理組織就想用石屎封咗佢！咁我都即刻去現場睇過，由於我擔心會係義塚，雖然20幾年都冇人哋拜祭過，用石屎封咗佢又真係唔係咁好，咁我就向佢哋提議不如用沙泥蓋埋佢啦！好過封死！咁啱啱相關業主管理組織人員就send幅相俾我睇，佢哋今日終於用沙泥埋左個古墓澤！唔知有冇破壞到余仁生家族嘅風水呢？咁就睇吓今日之後余仁生集團會出現乜嘢突變先！😂😅