警務處燒毁檔案活動 (Patreon)

其實真係冰山一角，有議員喺行政署嘅記錄發現，由2015至2019年遺失或者未經授權燒毁檔案嘅數目有2925宗，94%係屬於警務處！即係大約有2700份！而你又可以想像每一份有幾多文件！但由於到而家香港都冇檔案法，所有公務員就算遺失或者刻意銷毁所有文件都冇犯法都冇懲處，我同你都咬唔到佢哋！所以嚟緊立法會選舉入到嘅議員，我哋真係要迫佢哋成立到檔案法先至唔會令到香港政府可以隱瞞任何野！當然有好多事情根本就冇文件冇檔案啦！呢個亦都係好多人對檔案法嘅盲點，檔案法唔應該聚焦喺保存文件方面，而係必定需要任何公務員嘅行動都要有檔案記錄先至可以保存到，所以過去七個月發生喺新屋嶺嘅任何野冇可能有文件嘅！