百萬富翁的小故事 (Patreon)

講個八卦小故事俾大家聽，頭先睇到呢間國際新聞，講述當年百萬富翁節目盛行全世界，有人就組織左個作弊集團，成功幫好多人攞到好多錢，本身集團阿頭都參加過三次百萬富翁贏過好多錢！而佢哋作弊就係利用節目嘅灰色地帶同埋法律罅！呢啲咪聰明囉！但我想講嘅係,當年我同雷宇揚做商業電台嘅時候佢同我講，原本亞洲電視係首先接觸佢問佢有冇興趣主持一個遊戲節目，佢當時根本就冇諗過係一個咁認真同咁受歡迎嘅遊戲節目，亦都唔知道遊戲節目就係百萬富翁，咁佢就推咗！後來先知道原來係百萬富翁，而且搵咗陳啟泰去做主持，陳生就一炮而紅啦！雷宇揚話佢真係有少少後悔！呢件事都教識咗我任何人搵我傾野，傾左先，知道係咩先推！起碼知道死得明明白白！