屯門兆軒苑到底發生乜事?! (Patreon)
Published:
2020-04-04 15:07:12
Edited:
2020-04-04 15:19:43
Imported:
2021-07
Content
今晚係咪熱鬧到咁呀!首先係朋友喺屯門住突然話聽到一聲大型爆炸聲,之後有社區傳媒就去到屯門兆軒苑逸生閣現場做直擊報道,數百街坊已經落晒樓下,消防到齊,現場街坊表示聽到巨大爆炸聲響,有啲瞓咗個人嘈醒咗,但現場完全搵唔到有煙完全見唔到有火,成件事相當古怪,之後現場消息就不斷重複話其實係個垃圾房個垃圾槽之前失左之後突然間通返,垃圾撞擊嘅聲響!但現場說服唔到街坊,因為聲音實在太巨大唔似垃圾撞擊!有人認為係爆炸聲、有人認為係汽車撞擊聲、甚至有人認為係高處有巨大物件紮地聲!總之現場消防同警察話唔係係垃圾槽!究竟真相係點呢?係咪解放軍又再墜毁軍機呀?!今晚簡直迷離之夜!
Ps隔離幾條村都聽到巨響!在場記者同好多街坊完全唔相信係垃圾槽所引起!仲要消防署最初通知記者係一級火警!但而家話乜嘢事都冇發生過!