太子的濫捕及無知！ (Patreon)

早兩日係831事件八個月，咁當晚都好多人去到悼念！咁你見到香港政府同埋班狗，就係借助防疫嘅條例去對付示威者同埋悼念人士！

但當晚其實有兩單事件係離譜到暈！兩個事主都係我自己嘅朋友，想話俾大家聽！A君當日返完工夜晚諗住去旺角某商場探個朋友，佢個朋友啱啱喺旺角嘅商場開咗新舖頭，咁佢已經知道會封路咁就已經坐的士去但係都係入唔到相關地方，於是乎的士佬就停咗喺太子地鐵站附近，咁佢已經醒目一落車就已經向相反方向行，總之就係去旺角離開太子地鐵站，費事比啲狗搞，話晒過去七個月佢都係示威活動仲比狗搞，咁佢已經差唔多離開咗成四個街口，突然間一架衝鋒車駛過嚟，狗車一開門，一個防暴就已經好似鎖定目標咁一棍打落去佢度，之後佢狂俾人打撳咗落地，捉咗佢上一架大旅遊巴（上邊好多人俾人捉咗）之後就正式話拘捕佢，喺警署坐左10幾個鐘最尾要用三萬蚊保釋！我聽完佢講：咁啲狗肯定係有目標跟你㗎啦！係呢件事件A君完全冇做過任何野、身上面亦都搜查唔到任何可以俾人做嘅物品、亦都冇非法集結、亦都冇違反防疫條例⋯⋯都無端端俾人打完拘捕！呢個就係現實香港現在情況！真係衰撚過德國納粹黨！

咁我另一個朋友當日都係附近，佢本身係做攝影記者嘅，啱啱買完新相機喺附近影相，但係佢就係費事去831附近現場影，點知都係隔咗五六條街都俾警察包圍搜查袋及查身份證！咁佢之前真係唔見咗張身份證，咁班狗就開始想玩佢，好彩嘅係佢有帶住本Passport出街，當佢show本護照比班狗睇嘅時候，班狗竟然唔知道原來護照係可以當作身份文件！！！我話佢哋唔係咁撚蠢吖嘛？！車牌都可以當身份證用個喎！之後班狗繼續問長問短要佢證實身份，個記者就開始火滾，攞埋記者證攞埋公司註冊證，佢話你洗唔洗跟我返屋企搵身份證之後我跟埋你返警署坐廿四小時？！班狗先放行！其實依家呢個納粹黑警，真係針對後生仔同埋記者，佢哋想點玩就點玩！所以對住班黑警，你哋唔可以有一絲憐憫之心！全部都係卑鄙無恥賤格下流無知嘅人！