滿州國戰時寫真集 (Patreon)

呢本係近排收購返嚟嘅滿州國物品，冇程度上當然都係日本嘅產品，明治38年出刊（即係1905年），呢本雜誌115年歷史㗎啦！裏面某個程度上都係講述滿州國亂局時期，甚至都唔可以話係滿州國，因為連辛亥革命都未發生，所以可以話係日本佔領奉天（即係瀋陽）嘅戰時相片記錄，日本係嗰陣時已經是中國東北面為滿州，有幾樣野比較有趣，首先你會見到相片中存在唔少佢哋嘅敵人：魯國軍人，呢度講嘅魯國其實係指俄羅斯，咁你都明白中國東北鐵路曾經完全係由俄羅斯控制，之後日本人同埋俄羅斯人就係中國東北打仗，從來都冇當呢個地方係屬於中國！第二，日本人喺山海關，當時原來山海關都被視為喺滿州！但要知道而家嘅山海關係劃比河北省，屬於秦皇島市，當年係屬於滿州！當然我唔可以將裏面幾十幅戰爭相片及圖畫影晒俾大家睇，不過呢啲歷史記載嘅書同埋黑白相片，真係可以慢慢細閱箇中有趣嘅地方！