人生最大的一次買貨：一間書店 (Patreon)

執櫃桶又執到呢幾張相，都好重要㗎！見證我人生買嘅最貴一次野：買咗人哋一間書局！若果係我舊fans都已經聽過我講過，話說幾十年來灣仔有間買二手書嘅鋪頭叫三益書店，1996年年尾我就收到消息話老闆要移民結業啦，而呢間二手書店嘅後邊個倉其實收藏左好多清末民初嘅舊書同埋線裝書！咁我就一啲都唔客氣就直接踩上左三益書局，同老闆指明話我想收購晒佢啲清末民初嘅舊書同線裝書！老闆原來要移民去加拿大，佢有少少詫異點解知道佢有呢啲書，佢開咗個價，我還咗少少價，成交！都係當時我嘅大部份積蓄嚟㗎！約咗一星期後同佢一齊去銀行過數，之後就直接喺佢書店入箱，一共56箱舊書，就運咗返個尖沙咀屋企！雖然其實仲有好多書我睇都未睇過，但我認為呢個係好重要嘅文化財產！過咗20幾年，尤其是佔中之後，對中國政府完全缺乏信任，亦都對香港政府同香港各大學都缺乏信任，所以曾經諗住將所有構思捐畀佢哋嘅諗法都打消左，呢幾年就不斷去嘗試聯絡唔同嘅組織包括加拿大嘅大學、日本嘅圖書館......等等希望幫這一批文化財產搵到出路！不過近排我喺度諗，其實我無謂懶係幫人咁啦！不如逐批將呢啲舊書賣出去算啦！不過賣唔賣都好，我已經決定會慢慢逐步逐步將啲書運去日本收藏，因為我深信香港會出現文化大革命2.0，呢啲世界文化遺產中國人係完全唔理唔會幫你保護！甚至會毁滅佢，我寧願相信日本人！😓