1990年的法國 (Patreon)

既然大家有興趣睇我啲舊相，分享下1990年我去法國嘅相片，話說我喺意大利嘅時候仲係17歲，之後去到摩納哥就啱啱18歲，人摩納哥進入法國尼斯再去巴黎就成人啦！所以嗰晚我係有去到睇紅磨坊！（真係好鬼死渣！我諗呢個年代啲後生仔會悶到瞓着！）而當年夜晚想去艾菲爾鐵塔真係乜嘢都影唔到，寧願日頭搵佢做背景仲好！但好可惜自從1990年去完法國之後其實我到而家都未再去過，其實我好想再去法國玩㗎！而且法國有比英國石柱群更大範圍嘅法國石柱群，好少人知冇乜人去！我遲啲一定要再去！依家疫症肆虐歐洲有排等！