最後晚餐揭露世界末日日期 (Patreon)

「靈異經典」：近排一幅有枱冇人嘅二次創作「最後的晚餐」喺網絡瘋傳！諷刺若果依家武漢肺炎喺耶路撒冷肆虐，耶穌同12個門徒係唔會再一齊食最後的晚餐！睇咗呢幅相我除咗笑之外突然間諗起10年前一單經典靈異新聞！話說2010年一位梵蒂岡嘅研究員聲稱係意大利藝術家達文西嘅名作「最後的晚餐」之中，解拆到世界末日嘅準確日期！呢位研究員叫嘉莉齊亞.。佢係長期喺教廷梵蒂岡檔案部工作，佢宣布根據最後的晚餐背後嘅窗角度以及外面嘅風景，用數學同天文學去推斷達文西其實係預測到世界末日將會喺4006年發生，將會係一次全球性嘅洪水災害，而仲要準確到表明大洪水將會係4006年3月21日開始直到11月1號結束！到時就會世界毁滅亦即係世界末日！當然當年我睇到得啖笑啦！因為若果真係根據聖經去推測末日，聖經講到明下一次嘅末日係唔會用水而係會用火去毁滅世界！我諗呢個梵蒂岡研究員嘉莉齊亞太唔熟聖經啦！