關於豪華郵輪 (Patreon)
Published:
2020-03-09 01:53:00
Edited:
2020-03-09 01:56:26
Imported:
2021-07
Content
你知道嗎?我除咗長江三峽同埋埃及尼羅河嗰啲所謂遊船之外!我係從來都冇錯過郵輪去旅行!唔係我唔鍾意,而係我一直都認為坐郵輪嘅安全問題係我一直都諗唔通!幾千人集中好短一段時間一齊,自助餐又完全係細菌病毒散播嘅溫床,加上中央冷氣系統,呢次鑽石公主號同埋至尊公主好大家就清楚啦!根本就係困獸鬥!所以我唔明白點解日本官員同美國官員係要求乘客留喺架船上邊繼續用中央冷氣散播病毒?我到呢刻都理解唔到!而更加更加更加好笑嘅係,你知道過往15年其實公主號嘅集團係每個月都會email最新訊息俾我!可能佢一直都以為我係潛在客人?!咁鑽石公主號發生呢件大事之後佢send咗個email畀我真係笑到噴飯,佢話依家全球招標搵緊一間可以徹底清潔整個郵輪嘅公司!第一,你send呢個email畀我唔通我有呢個專業資格咩?第二,原來過往幾十年你哋冇一間專業嘅消毒公司係專門定期消毒整架郵輪㗎?唔係咁撚恐怖呀嘛!你又要知道佢哋嘅收入來源係好可觀喎!但原來清潔一向都馬虎嘅!唉!睇嚟經過呢次事件之後有機會我一世都冇坐郵輪嘅機會了!(但係去南極我始終都係想坐郵輪,並唔係想坐科學船!😂)