命運早有安排？ (Patreon)

話說琴日處理左成晚，關於日本突然間出現緊急狀態令封關，仲要包括香港人入境強行隔離14日！對於我來講，原本係有兩手準備㗎！原本處理完福島事件之後我可以即刻走，就係呢幾日咁岩機票無位，先至要3月8號夜晚先飛到返香港，咁尋晚就叫朋友幫我睇下有冇東京飛關島嘅飛機之後由關島飛香港，我美金都帶足㗎啦！但東京飛關島係有嘅，但關島飛香港直航原來已經取消咗，一定要經馬尼拉轉機，咁我講咗以後都唔會再去Philippine我就唔會喺度轉機！咁就叫朋友幫我search東京飛曼谷機票由曼谷再飛番香港啦，正當諗緊坐邊班航空公司飛曼谷之際，泰國就宣佈香港入境又要隔離14日啦！玩嘢咩！點知係臨瞓之前就收到最新消息日本政府嗰個緊急狀態令係3月9號先進行，即係如無意外3月8號我個班日本航空公司飛機係唔會取消，真係夾都冇咁準！好似命運有安排咁！若果一切如計劃進行3月8號返到香港3月9號我就可以去醫院復診攞藥！其實仲有樣嘢要鬧㗎！我出發之前打咗俾醫管局，講到明果日本返嚟會自行隔離14日，所以只希望過嚟攞藥唔好見到其他人包括醫生，個專科護士死都話唔得一定要見咗醫生先攞得藥！咁我咁坦白你都唔肯比我自我隔離，咁萬一我出事惹到醫生惹到診所嘅病人咁點呢？有時你見到香港衛生署醫管局啲人無知到好可憐！我3月9號之後就會再問多次！但我相信佢哋都係繼續無知！🙄