淺藍拜年 (Patreon)
Published:
2020-01-26 02:40:41
Edited:
2020-01-26 03:17:50
Imported:
2021-07
Content
話說尋日老竇以前個夥計同個仔一齊過嚟拜年(每年都會過嚟)首先我定義佢哋係淺藍人士,包括佢個仔,不能否認嘅係我同佢地都好熟!兩個鐘頭拜年時間當然就討論起過去七個月嘅社會運動啦!當然佢哋嘅亦都完全知道我嘅立場同行為啦,不過大家都知道人在江湖嘅定位,不過有趣嘅事情有兩樣嘢,首先阿仔而家喺某中資金融機構工作,之前佢喺中銀,再之前佢喺政府部門做公務員,所以我啲網絡都幾齊全!佢就同我講而家大陸真係冇錢,所謂冇錢係冇外匯資金,主要係唔夠美金,真係接近支爆㗎啦!而且佢哋認為真係關一帶一路事,比得太多美金呢啲沿途國家!信住先啦!第二件事係當討論到過去呢七個月社會運動之中大家作為唔同派別嘅棋子被利用被安排⋯⋯突然間我老竇竟然同佢哋講:「一啲都唔奇呀!香港作為最大間碟中心,巴巴巴巴......!」其實當時我有少少愕然!因為佢從來都唔同我講任何關於香港間諜嘅故事或者事情,突然間係拜年同佢個舊夥計講啲咁嘅嘢!🙄嗱我乜都唔知㗎!我從來都唔理呢啲嘢嘅!