與手足爸爸對話 (Patreon)

話說今日下晝去九龍城裁判處旁聽一個手足第二次過堂，因為控方依然未交齊證據又要延期審訊！離開審訊廰，手足父親走來同我傾計，我安慰佢之餘，手足爸爸同我講：「依家你睇呢個法官根本係Hea到好緊要求其去處理呢啲案件，之後共產黨就不斷對付班後生仔完全不手軟！不過個天會睇住，好似當年埃及人當猶太人係奴隸咁對待，就出現十災去對付埃及人⋯⋯依家你睇吓大陸，之前係禽流感、之後係豬瘟、之後係鼠疫、到而家喺新肺炎，仲有幾個災未嚟！好似以前就算埃及人對猶太人，都叫做對付外人，依家中國共產黨係對付自己人仲衰多幾錢重！」雖然我明白老人家係有啲發洩，但佢講得一啲都冇錯㗎！光復香港！時代革命！