風！ (Patreon)

上星期，帶我老友陳海琪去認識天地出版社的同事，因為佢想出書！當然呢個時勢出書真係唔係為咗賺錢，真係為咗興趣！席間，我哋就討論左好多關於出書嘅內容，當然唔少得好多娛樂圈嘅小故事啦！咁我就爆其中一單俾大家聽，話說早好多年，陳海琪係幫成龍做寫稿演詞嗰個（而家無啦！）陳海琪話其實好多人都唔知，成龍真係一個文盲嚟㗎，佢寫完啲稿係要讀一次俾佢聽佢自己消化之後對外講，其實拍戲所有劇本都係咁！！！當年有一次佢嚟到電台，成龍話不如我讀天氣報告啦，份稿一攞上手，佢望完一次，就同陳海琪講：「全份嘢我真係只係識個風字！」不過唔能夠否認佢有語言天才，佢乜嘢字都唔識睇但係學得好快識講！包括英文！就係只可惜呢個人鍾意擦鞋鍾意做建制派鍾意玩女人冇辦法啦！藍絲一向都係文盲嚟㗎啦！