日本二戰超級潛艇 (Patreon)

今朝一起身，翻出二十年前有人幫我在美國錄的二戰紀錄片，太多東西未睇，包括這一套！於是馬上把它看掉，是講述二戰時日本一項秘密的軍事項目：乘載戰機的潛水艇！相關內容原來自己真係不知道！話說1941年，日本不單想佔領全太平洋控制權，而且立心要攻擊美國本土，於是以山本為首的領導層要發展出可搭載戰機的潛水艇，聽起來簡直不可能，但日軍慢慢成功解決所有問題：包括以底部雙管設計，令船不會因太重沉海底、潛艇可收藏三架戰機、戰機前後翼可以摺埋、飛出前汽油可預熱不用在艇內燒油噴出一氧化碳！而且佢哋仲利用納粹德軍嘅科技令到潛艇外層可以避開美國雷達偵測！佢哋嘅計劃就係有10幾隻呢啲I-400嘅超級潛水艇分兩隊靜靜雞駛到去美國沿岸，一隊西岸攻擊洛杉磯同三藩市、令一對會繞過整個南美洲去到美國東岸轟炸紐約同華盛頓！仲痴線嘅係原來啲戰機任務完成之後仲可以浮喺海面比潛水艇吊返入去裏邊！你諗下七十幾年前日本已經可以發明到咁，大陸依家先話做潛艇！🙄後來計劃有所改變，日軍認為用炸彈炸呢個城市作用唔係太大，於是乎決定用呢個潛艇派出嘅戰機係投擲生化武器，諗住製造恐慌同埋殺傷力會強大啲！在後來佢哋嘅計劃改變成去到南美洲厄瓜多爾海域，戰機飛到去另一邊再自殺式轟炸巴拿馬運河，諗住佔領巴拿馬運河，到時就方便去到東岸炸美國！😱呢個計劃原本製造13首超級潛艇但由於1943年山本被炸死，計劃被拖慢，而且有十三架變成九架！其實呢系列潛艇係1945年已經成功出廠運作並且諗住先喺太平洋去炸毁美軍其他巡航艦同埋美國喺太平洋據點！點知係行動前四日，美國投擲第一枚原子彈落廣島、過兩日投擲另外一枚係長崎，投降消息傳到返幾艘超級潛艇當中，其中一艘啲人向美軍投降，另一艘根本唔明白咩叫做投降！美軍登艇前，船上嘅總指揮官自殺殉國！後來美軍佔領所有超級潛艇駛返東京，之後再將潛艇運到夏威夷進行研究同詳細記錄！及至1946年美軍唔想任何相關資料會被蘇聯竊取，喺夏威夷海域炸毁所有I-400超級潛水艇！而呢個計劃甚少俾人講述，甚至日本方面到今日都係機密！套紀錄片好好睇！再次證明日本人真係好勁！