星期五發生嘅古怪恐怖份子事件 (Patreon)

呢單野真係超級古怪！話說星期五嗰日下晝，我有個手足去到九龍某個警署做啲野！期間清清楚楚聽到幾個警署警員表達收到荃灣水域有貨船報警聲稱有恐怖份子喺船上邊！於是乎佢哋話警方已經部署緊出發登船！咁當時我聽到呢個消息，我第一個感覺係，「恐怖份子」可能只係佢哋嘅代號，可能係想上船捉出走嘅「兄弟」！當然我當時覺得好奇怪，呢啲內部訊息對話點可能會比外人聽到㗎？除非又係特登俾我哋聽到，整個陷阱俾我哋！而當時警方係冇公布到任何相關訊息！但係事後警方又主動公布左呢單事件俾傳媒知道喎！就話係家貨船職員唔小心禁錯制！喂！有冇咁兒戲啊！唔小心通報政府話有恐怖分子喺船上邊？仲要派左50個特種部隊上船捉人？仲要呢架貨船係屬於東方海外集團！即係董建華家族嘅貨船！而且傳媒最初問相關集團嘅時候，佢哋又講大話指係政府要求上船做演習，當知道傳媒收到政府消息話係貨船職員報錯之後又改口話確實係職員報錯案！咁我就相信所有都係大話啦！咁我大膽假設，可能當時貨船上邊有一啲特別敏感嘅人士出現咗，例如係北韓特工，職員報咗警之後先發現原來係中共政府知情嘅，香港政府又尷尬，大家就做個故事出嚟交代，而且成件事冇乜人留意，咁就過關㗎啦！