好彩仍然係我老友！ (Patreon)

尋日可以話係解開左我一個謎團！話說我好多年前都講過，係冇人搞到我個Facebook㗎，原因係因為我個死黨老友就係亞洲地區Facebook總部嘅阿頭之一，仲要睇晒成個亞洲公眾人物嘅page，佢當日講到明俾我聽你個page係冇人會投訴到你嘅！所以當上個月竟然有人可以投訴到我個Facebook令到我暫停左三日我當時係好震驚！更加震驚嘅係，當時我即刻WhatsApp我呢個老友問呢個問題嘅時候，佢係一直都已讀不回，我當時心諗：你唔係俾人收買咗下嘛？！直到琴晚因為佢突然有啲緊要事出現喺香港，即刻同佢食餐飯來個deep talk！先知道原來佢早半年已經離開咗Facebook去咗另外一啲公司做嘢！由於佢想非常低調所以冇通知任何人！我真係俾佢嚇死，因為我真係唔想同呢個死黨絕交！😅！仲要開心嘅係，由於佢唔可以立亂喺網上表達任何政治立場，我都驚㗎，驚佢變囉！不過依然係黃底嘅！而且佢同我講，佢一離開Facebook就已經俾北京抖音想撬佢過檔，佢就話信念同埋道德都唔同，就算人工高幾多陪都唔肯做！而且佢認為錢係冇人賺得晒點都要底線！好開心呢個依然係我死黨係我老友！只係可惜我依家Facebook冇勢力啦！😩