我和小胡 (Patreon)

由「野仔」到「野佬」，我最熟識嘅係何兆基及小胡！認真，我一向都覺得小胡係唱歌好好聽！反而識左少爺占咁多年，真係冇乜點傾過計，冇食過一次飯，只係當日311事件我返商台佢就好緊張睇新聞就同我傾開洩漏輻射嘅問題，因為佢老竇喺日本，果次係我人生同少爺占唯一一次「deep talk」！😂尋日係小胡結婚後，第一次約到佢出嚟食飯，我同佢真係好鬼friend 㗎！天南地北乜都傾，當然都唔少得講起呢次社會運動啦，佢講笑咁講：「好彩我哋呢隊組合冇一個係藍，否則仲叫自己做Yellow 就死得啦！」咁我講笑話咁咪即刻改名做blue 囉！但傾到樂壇真係陷入死谷深淵：冇人聽歌、冇人買唱片、甚至好難開小型演唱會、外面冇function冇job.......甚至因為經濟問題，小胡份設計正職兩個月前都已經冇咗！而家全部靠freelance ！何兆基仲離譜，手上邊原本佢做經理人嘅歌手都全部冇晒，依家甚至半轉行做移民經紀！唉........🙄😩