係我眼中最邪惡嘅國際集團之一 (Patreon)
Published:
2019-12-26 00:53:38
Imported:
2021-07
Content
香港匯豐銀行聽令政府同黑警指令,凍結同暫停星火嘅戶口,仲公開聲明話自己係遵守國際法先至咁做!嘩!真係聽到我想嘔!過咗咁多日,我發覺真係冇傳媒再講返匯豐係乜嘢機構嚟㗎喎!咁我真係忍唔住要同大家溫故知新!
美國國會於2016年7月11日公佈咗一份報告,指責匯豐銀行在2012年捲入一宗洗黑錢醜聞,被指違反美國制裁禁令,對多個販毒集團提供洗錢服務!大家冇睇錯啊,匯豐係幫販毒集團洗黑錢㗎!隨後,匯豐同意向美國政府支付19億美元,匯豐洗錢案達成和解。唔單只係咁樣,2012年匯豐簽署嘅和解協議中透露呢間咁嘅仆街銀行仲幫來自伊朗、利比亞、蘇丹、緬甸、及古巴呢啲極權國家提供洗黑錢服務!幾勁呀!
之後美國只係以罰款處理匯豐,西方國家都唔敢正式起訴匯豐,係講到明因為呢個機構太大啦若果起訴可能會導致另一場金融風暴!所以你見到匯豐幾虛偽,自己洗黑錢賺咗幾萬萬億,但就幫極權政府對付我哋香港一個小小嘅籌款平台!可恥到咁!但係我唔知道點解冇人提返呢件事俾大家聽!匯豐始終係一個邪惡之中嘅邪惡集團!今日Boxing Day同大家開返尼個禮物啦!匯豐你死返上海算啦!