本末倒置 (Patreon)

大公報用3/4版做所謂「新聞追蹤」，竟然話示威者燒拾荒婆婆嘅紙皮作為路障，燒咗拾荒婆婆嘅錢又話示威者燒毁咗露宿者用嚟吊命嘅紙皮！淨係單單呢個報道就已經可以盡顯藍𢇁嘅腦袋係點運作：一個全世界最富裕嘅城市竟然每日有大量超過70歲以上嘅老人家要靠執紙皮來維持基本生活！成個政府從來無人諗過幫佢哋完全過住冇尊嚴嘅生活，記者竟然唔去問點解反而去指責示威者燒左佢哋啲紙皮！好嘢！另一邊廂香港作為最富裕嘅城市，竟然仲有大量唔同地區嘅露宿者無家可歸，負擔唔起租金、當然買唔得起樓，唯有瞓街！全國政府以及建制派冇人要處理過佢哋嘅基本生存問題，甚至要趕盡殺絕，依家個記者仲要話示威者燒毁左露宿者應吊命嘅紙皮！呢啲就係顛倒是非、本末倒置，傾向暴政政權嘅做法及思維！