新聞處的醜聞 (Patreon)

有啲嘢我覺得香港人係要知嘅！話說上個星期有政府內部人士同我溝通，同我講述依家警務處嘅PPRB警察公共關係科，不久之前作出重大改動！首先可能係政府或者警務處內部高層唔滿意佢哋對記者同公關表現，將原本喺PPRB工作嘅人士將大部份人調離，之後直接動用政府新聞處嘅新聞官直入PPRB成為公共關係科嘅警務人員！我聽到都傻咗！吓？！咁咪就係繞過晒所有正常程序直接叫新聞處嘅公務員「假扮」警務人員囉？！政府人員同我講：「係呀！又唔使刊憲又唔使經過正常調任程序！」最令到部份政府內部人士不滿嘅係，原本新聞處裏邊有啲自稱係黃絲嘅同事，被調任做PPRB之後，因為份人工馬上變藍！仲要開始unfriend 啲黃絲公務員！講真香港公務員邊有骨氣㗎！不過繞過晒所有正常程序真係而家乜嘢規矩法律都唔使守㗎啦！但係我想比更加多香港人知道，我改變唔到事實但係大家要知發生乜事！完！