給當選議員的信 (Patreon)

唔係想唔俾大家慶祝！只係我呢個老屎忽提吓大家啫！琴晚都有我嘅人同埋我啲好朋友當選，我都相當高興，我今朝5:30先返到尖沙咀，但係我真係需要提醒各位區議會新丁，區議會真係並唔係單單可以靠政治理念就胡混過去呢四年，建制派以往點解可以大勝係因為真係喺區內幫到好多市民做到野處理到投訴問題等等等等，仲要好熟悉政府架構地區運作同政府部門聯繫等等等等，贏咗區議會係正式起步，未來呢四年其實都好難打㗎！政治嚟㗎！大家唔好令到四年後建制派大勝好冇？！仲有請大家關注返呢場社會運動依家仲需要大家幫助嘅數以千計嘅市民同學生，開心可以，一陣咁多啦！做嘢啦喂！老屎忽講完嘢啦！

Ps同埋我講嗰句唔係講笑㗎！權力係會令人腐化㗎！對家點樣收買新人我其實呢幾個月見證到好多！你哋唔好睇小中共做嘢啦！記住自己提醒自己，亦都身邊嘅朋友提醒當選嘅新人！我身邊嘅人都瀨咗嘢，何況素人！喂政治嚟㗎！