心底話 (Patreon)

其實我都掙扎咗好耐寫唔寫呢段嘢！咁我寫都唔放Facebook啦！無謂到頭又話我搞分化！唉！其實中大攻防戰嗰日我啱啱先返到香港，見到中大學生咁樣俾人圍困，我真係出盡方式去幫㗎啦，搵人送物資、搵人接人走等等等等，當然全香港人都喺度幫手啦！第二日，我就同兩個人真係認認真真傾緊去租架直升機將需要物資運去中大運動場上空投放，其中一個人係前線攝影記者，我話我俾錢啦你坐直升機去影低成個過程啦！我哋真係諗到咁盡㗎啦！（其實我哋連直升機公司電話都準備打）點知轉個頭，中大校方咁樣出賣學生！部份中大生同埋學生會唔知做乜撚嘢！喂！唔單止我呢啲廢中嬲到震，最嬲嘅就係嗰班外來比條命你守衛中大嗰班前線勇武！今日見到佢哋拍左呢條片，不如大家好用心咁睇咗呢10分鐘，你就明前兩日點解我喺Facebook鬧人啦！我真係唔係分化！班外來人都唔係分化！大家用下腦好冇！