革命的愛情故事 (Patreon)
Published:
2019-11-14 00:11:48
Edited:
2019-11-14 00:16:47
Imported:
2021-07
Content
而家我喺好多前線嘅Daddy,做死我又忙死我!咁尋晚同一個前線仔喺旺角做D嘢之後與他食飯!聽佢講前晩中大發生嘅事,恐怖之餘其實都幾浪漫!話說當時佢係第一排,槍林彈雨佢手腳同腰都應該比象膠子彈及催淚彈打中,由於佢冇表面傷痕佢竟然係冇理到!但係佢成身都痛曬,當然我就係佢哎呀爹哋都叫佢睇醫生,但好老實講啲仔係死都唔肯睇醫生㗎!咁就算嫁啦!佢話當時捱左幾個鐘頭,黑警稍為平靜,咁佢就決定退一退後邊,由於佢本身唔係中大人,根本唔熟悉中大環境,佢就無方向地喺中大裏邊好無奈咁徘徊都唔知點好又走唔到.........。突然喺呢個時候有人叫佢個名,一個轉身竟然係佢嘅前度女友!!就算你全身裝備,前度都認到你嘅!咁岩呢個前度而家係中大學生,咁就帶咗佢上自己宿舍換衫沖涼,仲同佢前度瞓咗一晚添!我就笑淫淫咁望住佢:「你就開心啦!」個仔就好靦腆咁同我講:「乜都冇做過架只係攬住瞓咗一晚咋!」喂都已經浪漫到死啦!我就同佢講:「青春真好!」有幾多後生仔呢就係呢個大時代經歷時代革命之餘仲有啲浪漫嘅愛情故事!20年後諗返呢個應該係甜到漏嘅回憶!青春真好!忽然對面條仔就對住我唱:「年少多好..........!」我突然間又覺得好感觸!外邊就已經啱啱放緊催淚彈!