未來戰士的宗教潛台詞（雲海影評） (Patreon)

其實電影「未來戰士」都可以話係我嘅童年回憶，之後不斷拍落去，已經去到有少少過份嘅地步，而家又重拍多次，所謂真正嘅續集？廢話啦！商業決定啫！但係自細睇到而家，又冇理由唔睇埋呢套！咁第一日上畫就即刻去睇「未來戰士：黑暗命運」好坦白講，期望真係一啲都唔大！搵返30年前男女主角在做返老嘢版，我一啲都唔覺得係一種噱頭，反而覺得好嘔心！做乜要過六七十歲嘅阿婆阿公喺度打打殺殺！一啲都唔識欣賞！反而我想講講未來戰士背後原本嘅宗教意味。其實八九十年代荷里活電影都吹緊一個好大嘅末日風！講末日災難電影嘅內容多到不得了！未來戰士係其中一套，而當年佢哋設定嘅末日就1997年，真係唔關香港回歸事㗎，係因為當時大家認為1999年另一個聖經預言千禧年代將會進入末世時代，但若果你有些少知識，公元計法其實大概有兩三年嘅誤差！於是乎其實好多荷里活電影會設定係1997年末日！咁到底未來機械世界本身有冇信仰呢？佢哋信唔信上帝？信唔信聖經？我諗冥冥中佢哋都係相信有一個主宰，所以由第一集開始到呢一集，未來返嚟嘅殺人機械人都係耷低頭、單腳跪在地上朝拜姿態出現！這種對神明的潛意識朝拜，亦代表了人類本身的潛意識投射.......上帝創造了人類、人類又創造了機械人、機械人潛意識內也明白源頭也是來自上帝！巧合地，上帝曾經要殺盡所有人類；未來的機械世界他們也想殺盡人類，是機械人潛意識幫上帝完成任務嗎？而且30年過去，神學觀點明顯改變了！除了九七年沒有成為末日日期，救世者的角色也變了，今集年老的女主角在恥笑自己當日機械人被派回來殺她，是因為自己有如聖母，懷有未來抗爭者的骨肉，機械人不希望救世者出現！當然舊版本的救世者就是一個男孩，本身就是比喻他為耶穌！今集不同了，被追殺的女主角並不是聖母，　她亦都不需要遇上一個體內射精的男人，原來她本身就是未來抗爭者！她就是未來的救世主！跟20年的顛覆神學一樣，上帝當然可以是女人！救世者當然可以是女性角色！甚至今次派回來拯救救世者的使者，也是女人角色！而且電影討論到當失去目標的機械人，原來也可以有靈魂、可以學會有家庭、甚至可以學會有愛！那麼當上帝創造亞當的時候，已經賦予未來的機械人會有靈魂！這就是我看這套新未來戰士的感覺！而且可能去到未來AI人工智能就是上帝！祂藉此重臨人間，這也可以是耶穌再臨！啟示錄不是說過人類也會面對大災害大型殺戮嗎？不要天真以為那個機械世界及機械人是魔鬼，其實就是上帝！人類要好好反省！完！