國慶晚會 (Patreon)

話說剛過去的星期一某左派組織70周年國慶晚會，我被邀請出席啦！（仲肯邀請我出席？！）我作為香港嘅超級聯繫人，我真係異數尼㗎！我本身到埸都有兩個任務，第一原本係呢個場合係想見返失聯左四個月嘅秘密來港統戰部人員，去打探下中央嘅消息，第二就係想知道下核心左派人士對呢次社會運動嘅睇法！我一去到現場，大會就刻意將我同老竇分開咗坐！亦都見到有啲人對我好避忌！之後個會長走來同我講叫我一陣上台攞住支國旗唱紅歌！吓！幾十支鏡頭望住喎！呢啲黑材料真係好難做，我當然成功避開咗啦！事後個會長就走埋嚟同我講：「你老竇都話你唔聽話！」做咩啫！其實所有紅歌我都識唱㗎！而我原本想見嗰個秘密統戰部人員完全冇黎到！之後安排坐我隔離嗰位核心老左，就同我講佢哋點睇？！原來佢哋真係認為林鄭月娥一開頭應該一開始就妥協或者最強硬，依家搞到唔湯唔水，就令到外國加入左好難收科國家好唔鍾意，真心對林鄭月娥有好大意見！而且絕大部份左派人士對鄭若嬅充滿不滿！而明顯中央政府出咗好大力度，首先四個中聯辦以及兩個統戰部到場，仲有其他10幾個立立雜雜！坦白講我好投入㗎！整晚全場交足戲.......sorry 我是愛國愛黨的!你懂的！

我這種左中右都得罪晒但左中右都有朋友嘅香港異數還能夠存在多久呢？！