網走監獄 (Patreon)

睇返2007年呢張新聞報道，令我諗翻起成件事！話說2016年我一個人去咗北海道玩左一個月，其中網走係我非常之鍾意嘅地方！而且網走監獄係一個景點，於是乎我由市中心酒店行去諗住參觀！點知原來我有個嚴重嘅錯誤，網走監獄係有兩座，一座係舊嘅監獄俾遊客參觀，一座係依然運作緊嘅真監獄！咁我行吓行吓就竟然行咗去真過座監獄！當時仲見到啲職員眼光奇怪地望住我出現喺佢哋正門前邊走來走去，甚至當我想影相向住入邊嘅時候，就被幾個日本懲教人員阻止，後來我先理解到原來呢個係真監獄唔係果座參觀㗎！而新聞報道遍地大麻嘅地方就係呢座真監獄啦！咁班職員其實根本就唔係驚我影到啲囚犯，😂其實係驚我影到啲大麻就真！