十一電話 (Patreon)
Published:
2019-10-01 00:25:26
Imported:
2021-07
Content
要知道今日係一個好敏感嘅日子,當今朝早8:00我屋企直線電話響起,我老竇去咗晨運,我一拎起電話,竟然係北京打來的!曾經係外交部工作我嘅堂家姐,佢表達純粹關心我哋香港而家點呀之類嘅事,但其實北京打電話嚟香港搵我地屋企通常都係農曆同埋新曆新年,國慶真係好罕見!當然我諗緊佢哋呢個係咪傳達緊某啲信息?堂家姐話喎依家香港仲亂啫,國慶之後國家一定會處理到㗎啦!我都唔識演繹!之後我就寒暄講句我遲啲去北京搵你地啦!點知佢嗰句回應我就驚左一驚!佢話:「乜你依家可以嚟北京咩?!」我心諗乜我依家唔可以啦咩?死火!而事實上我哋嘅通話期間三次被干擾,我聽唔到對方講說話,好的方面就係大陸冇幫我cut到線囉,起碼北京仲可以打到電話來!我都唔係好識演繹呢個電話內容究竟係正面定負面呢?其實大陸真係好難捉摸㗎!所以啲朋友成日話我有豁免權,我冇架!北京要對付我都對付到㗎!