「東帝汶之旅9」(2019年9月11） (Patreon)

當我係東帝汶第二大城市Baucau食完個午餐繼續向東面最東端進發，由於山路崎嶇，最終我哋仲要行多四個幾鐘頭車先至去到我哋今晚入住嗰間葡萄牙人大宅改建嘅酒店！上到山上邊啱啱日落，我可以話呢個夕陽係我見過其中一個最靚，一座幾百年嘅大宅幾百年嘅巨樹，你感覺到與世隔絕！但係當我放低行李，思想向黑暗嗰邊諗嘅時候，其實都係一個幾恐怖嘅畫面！大家諗下真係喺呢個世界嘅天涯海角盡頭，四周冇任何野，一個導遊帶着我哋三個嚟到呢間古老大宅，入到去當然氣氛其實係相當古老，枱面已經準備好今晚嘅晚餐，整個大宅酒店係由一個東帝汶男人管理，完全冇其他人可以接觸到你，之前見過一個當地村民個女人帶住兩個細路上嚟賣手信，之後就消失得無影無蹤！若果呢一個場景作為背景，可以係荒山大屠殺嘅電影，可以係解剖實驗陰謀電影，亦都可以係咁失陪肉亦都可以係禁室培慾電影！當然最終呢啲恐怖電影冇上畫！本來係一個優哉游哉嘅旅遊節目！😂