真富二代 (Patreon)

今朝想起一件事，話說仲記得無線嗰套乜鬼街市旅行團之類嘅物體，當時有一個後生仔對唔住我連名都唔記得咗，成為超級下巴，乜嘢都唔識反而紅咗！咁人去咗邊？原來一早同無線解左約啦！話說早排我同個朋友食飯先知道原來佢同呢個新藝員認識多年，朋友話俾我聽其實呢條友仔真係富二代嚟㗎！真係從來都唔會去街市從來都冇去買個餸甚至從來都唔使自己做嘢！呢個下把角色係一個現實世界嘅真實角色，朋友話俾我聽其實佢有錢到嘅程度係佢一起身到瞓覺中途所有事件都有工人幫佢做晒，誇張到原來佢有自己一架私人飛機周圍飛去玩！哦！咁唔怪得唔會留喺無線做小藝員啦大佬！咁有錢仲要做下巴唔係啩！當日原來佢入無線都係諗住玩下依家玩完啦！