繼續向前 (Patreon)

話說之前都講過，我曾經收到消息只可能有人會放汽油彈，無論係邊方面嘅人做，都有機會令到在場人士燒傷，所以上星期捉咗個救援嘅細佬同佢一齊買咗張防火墊，當然慶幸冇發生到！但早幾日又發生有人向人群射煙花，確實有人被燒傷，於是乎我確定班救援細路哥係需要有防火墊傍身，無論救邊個陣形嘅人都需要！咁亦都有人向我提議不如買細型嘅滅火筒，不過經過專業人士嘅講解有人燒傷用滅火筒並不可取！於是乎我就已經向相關公司訂購咗10張防火墊，交咗比嗰班救護嘅細路！希望唔使用得到佢！但琴日新聞大家都知，當日上環清場有其中一個救援嘅護士都竟然可以被警察逮捕控以暴動罪，有冇搞錯！越嚟越擔心我呢班救援嘅年輕人！唉！