妖何其多 (Patreon)

趁住呢幾日何妖消息如此多，我就講下呢個何妖！話說當年我仲喺商台做緊摩星嶺4號嘅時候，我個拍檔阿祖，無端端同我講話認識咗何君堯律師，覺得佢好犀利好有智慧，第日一定會做政務司司長！我唔單止聽到好震驚，仲聽到好一頭霧水！咁我當然無理佢啦！咁之後一四年嘅佔中其間，大家若果仲有記憶，阿祖就喺旺角俾警察拘捕左！咁我後來先知原來佢喺警局係搵何妖間律師行幫佢搞保釋嘅！相當奇怪！咁大約係同一年嘅時間，仲記得係個星期六，忽然間佢就打電話俾我同埋幾個相熟嘅朋友，話有鄉紳搞大型盆菜宴希望我哋都一齊去，預咗一圍俾我哋！咁參加呢啲活動我梗係小心啦，我問清楚邊個搞先？當佢話係何妖搞嘅，咁我同所有朋友都拒絕參加啦！大佬，稍為正常人都知嗰個姓何嘅唔正常㗎啦！而過咗好耐我又唔想重複，就係好驚訝地發現咗佢嗰幾年原來有嚴重吸食毒品嘅習慣！當然我亦都懷疑就係呢啲鄉紳引導甚至係強迫佢去吸毒嘅始作俑者，不過我冇證據囉！天知地知！我係去到好後期先知原來阿祖由美國返到嚟香港，住喺佢阿爺個單位，但原來佢香港啲親戚就同佢打官司要搶番呢個物業，阿祖原來都係搵何妖幫佢打呢場官司！當然我有理由相信由一開始鄉紳俾咗咁多着數阿祖，慢慢將一個大好青年引導成一個魔鬼，何妖嘅力量真係幾大㗎！不過算啦！最大嘅責任都係阿祖自己，冇腦唔帶眼識人，有人比少少利益就仆埋去稱兄道弟！而家佢死我都唔會再理！