社會運動小故事 (Patreon)

其實呢個幾月嘅社會運動，有相當相當多故事，每個故事都可以係大故事，以下係其中一個：話說我早幾日同個後生食飯，佢本身就持有聖約翰救傷隊證嘅急救許可人員，所以佢每次都係衝突現場觀察有冇人需要幫助！個後生好有心，自己本身讀緊書又做緊part-time，每次都唔理咁多孭住個救護袋、袋上貼着紅十字標誌，帶住頭盔帶上口罩就同市民共同進退，六月有一晚衝突，啲黑警表面上所謂驅散，個後生朋友真係睇住佢哋其實係將當時接近200個示威者聯軍毆打至一個石牆死角，其實真係無路可逃走的，最終成班示威者被迫在石牆前要痞低，逐個逐個搜查背囊以及記錄身分證！而當時就有一個佢形容俾我聽大概只有十四五歲嘅女學生，被警方打到個頭流血，可能其中有警方都覺得做多咗，就問現場有冇急救人員，我個後生朋友即刻起身攞埋張證俾佢睇話自己可以急救！點知其中一個高級黑警揮舞警棍，喝令佢坐低，唔俾佢出嚟幫手急救，之後仲話「有女警出緊嚟幫佢你坐低！」當然在埸示威者10世都未見到個女警出嚟啦！點解啲黑警可以可恥到咁？！個後生仔都話，嗰個示威者係心臟病發而你又唔比在場救護人員去救，過多20秒就死咗㗎啦！所以呢班所謂香港警察依家真係冇人性到一個點！如果獨立調查委員會成立，我會說服呢個救援朋友去作證！不過當然呢個後生仔都唔係啲咁有勇氣嘅人，佢自己都好驚！我哋啲大人真係要鼓勵下呢班已經幫我地做咗好多嘢嘅後生仔！社會運動小故事真係冰山一角！各自爬山啦兄弟！