搞自己後門 (Patreon)
Published:
2019-06-24 03:35:17
Edited:
2019-06-24 13:57:04
Imported:
2021-07
Content
話說原來早兩日為警總,有相當多漏網之魚故事,話說尋日同個攝影記者食飯,佢話原來到凌晨,示威者散到7788嘅時候,警署原本被封嘅後門,即係公園嗰個位置,嗰個位置嗰個時候已經冇任何示威者㗎啦,但就有幾個傳媒機構守住喺度,當時包括無綫電視。故事就係呢個時候發生,話說有一集機動部隊成員落咗黎開始爆開自己個閘,由於前面仲有一乍鐵馬同圍欄,咁其中一個手持盾牌嘅機動部隊,就好似龜咁,喺地下一路爬爬爬出去花園位置!當然整個過程相當相當核突,而當時原來無線以及三四個傳媒機構係拍低左整個過程,唔知係咪因為班警察突然間醒覺到自己需要形象,呢啲片段點都唔可以比出街,突然間衝左個公共關係科嘅同事落到黎,當然都相當識做地搭晒膊頭,「勸喻」在場記者將片段及相片刪除,否則你都明會有咩後果㗎啦!結果無線新聞決定喺警察面前刪除片段,其他幾個傳媒都自律刪除片段!所有相片及片段就從此消失於觀眾眼前!我就問當時竟然冇蘋果?如果蘋果就死都唔會散刪咗!原來係個機動部隊爬咗出嚟之後,蘋果同埋幾個網絡媒體先至去到後門現場!太可惜啦!太可惜啦!但講真若果醒目嘅刪除左嘅片段同相係應該可以復修,不過以而家嘅傳媒生態,啲老細都唔會咁做啦!
Ps其實攝影記者朋友話你唔好寫出嚟啦會害咗無線新聞啲人㗎!
哦好啊!