真相有啲眉目啦 (Patreon)

真係好正！尋日下晝醫管局證實仁濟醫院參與示威嘅病人比警察上房逮捕，其實若果大家有追開呢單單新聞，個病人首先係去咗港安醫院，坊間一直都傳甚至我自己已經收咗幾個醫護人員嘅私人報告都係話其實報警嗰個係港安醫院！好啦鬼拍後尾枕啦！尋日下晝醫管局講完下半部份，竟然港安醫院相信係凌晨發澄清新聞稿，因為我係2:30am見到香港電台新聞報道呢段新聞，港安醫院亦都承認當日下午6:00已經有四個警察去咗醫院要求醫院交病人資料！之後10:30就有警察上門要捉人，醫方講到明係當時醫方當值經理應警方之前要求報警拉病人，之後病人就自行簽字離開咗，之後佢就去咗仁濟下半部份故事！你睇下港安醫院嘅聲明，佢哋首先賴指引唔清晰、之後再賴港安醫院冇當值警員、最後就賴有灰色地帶令醫護人員唔識處理！嘩！咁都得！想提一提大家港安醫院係一間基督教醫院，冇搞錯的話係屬於基督復臨安息日會，30年前仲係比香港主流基督教視為異端，之後幾十年佢哋努力成為香港建制，咁主流基督教又認為佢哋唔係異端了！宗教上兒戲姐，冇諗過醫療專業上都兒戲到咁！小弟見識了！