無人機的故事 (Patreon)
Published:
2019-05-18 02:51:13
Edited:
2019-05-18 02:54:20
Imported:
2021-07
Content
睇到呢單新聞有令我諗起兩件事,一上年去河北嘅政治之旅,同團有一個後生仔喺律師行大行工作,當然佢嘅思維都係超級藍絲!咁佢老竇又有一齊去,同行時期我同佢老竇都幾好傾,佢老竇就放低戒心同我講秘密,原來佢成家都係中共既得利益者,依家係大陸開緊一間工廠專製造提供比公安使用嘅無人機,佢就話我聽呢種無人機比出邊嘅有啲唔同,除咗拍攝功能之外就係會有射擊功能去擊落其他不屬於政府嘅無人機!我聽到呢一個位,我已經諗都係第二樣嘢啦!大家諗唔諗到?若果一架政府無人機可以擊落另外一架無人機,咁即係可以向群眾由高空開火啦!若果六四再重演,派出1000 㗎公安無人機就可以向天安門長安大道射殺㗎啦!仲乾手淨腳添!第二件事係大概三年前,我有個傳媒朋友返大陸幫政府拍宣傳片,原則上只不過係宣傳旅遊,佢就好天真地用無人機將成個城市拍低左落嚟,點知係離開當地上飛機返香港之際,又比當地出入境部門截停左,話佢過去幾日拍攝嘅片段裏邊有啲問題(佢哋竟然知道),咁我個朋友就好奇怪啦!旅遊景點都有敏感野!佢係邊防播放俾啲職員睇,其中一段用無人機拍攝公園片段佢哋話要刪除,點解嘅?原來無人機無意中拍攝到公園中間有座別墅,就係當地啲政府高官用貪污得來嘅錢係公園僭建自己嘅別墅,唔可以比公眾同中央政府知㗎!所以話中國大陸你真係唔知乜嘢係犯禁囉!