結業真相 (Patreon)

我早前喺Facebook講，上星期我在此推介朋友在旺角女人街開的台灣小食店嗎？若果你之後一星期內沒有去幫襯，你也永遠不用幫襯了！因為已經無奈地某些原因結業了！所以每一個好食嘅地方都只會曇花一現！咁我就喺呢度講下我朋友結業的原因啦！話說呢間台灣小食店原則上佢有三個朋友夾份做，其中一個大廚主要係製造食物個位，咁佢真係有台灣秘方去處理食物！咁我個朋友見到啲食物日日好快賣清，就希望個大廚煮多少少啦！點知嗰個人就借勢發long禮，話劈炮唔做啦！即日走人！當然就完全違反晒幾個人嘅共同承諾起碼做三個月睇下點。而且佢冇理到事先向供應商訂嘅食材，之後兩日繼續送食材過嚟，但冇人煮！令到朋友浪費金錢浪費食物！但後來好多行家同佢講，其實香港飲食界好流行呢樣野㗎，個大廚見到你生意好食物受歡迎就會借勢發嬲，之後自己出去開餐廳賺自己啲錢！一鑊翹起好多人！最慘係我個朋友都真心當佢好朋友㗎！所以我時時都話朋友唔好一齊做生意！死梗！