香港食安真相 (Patreon)
Published:
2019-05-08 05:42:27
Imported:
2021-07
Content
食安中心今日喺立法會回應認真改善審計署對佢哋嘅批評,又話增加人手又話成,但完全冇提到一點,就係關於抽查可能有輻射嘅食物!咁我又要講兩句,審計署曾經批評食安中心並無依照正常途徑,抽查來自日本福島地區嘅食物輻射量,只係根據供應商提供嘅食物輻射資料就算啦!咁我就講兩句啦!話說福島事件之後,我親自同食安中心溝通過,問佢哋究竟過去幾年,食安中心發現左幾多進口日本食物帶有輻射,佢哋話起碼都有三次,不過都唔會同大家公布㗎啦!吓!咁我問其實係咩食物呢!竟然全部都係茶葉!甚至有一款係來自靜岡嘅茶葉,輻射量超晒標!但靜岡其實離開福島好遠!咁我問食安中心佢哋之後點處理呢批輻射食物呢?精彩囉!佢話陳生,好坦白講我哋係唔識處理㗎!所以我哋每次都交咗比環保署!吓?!咁我又call環保處相關同事啦,問佢哋點處理食安中心比你哋嘅輻射食物啦!環保主任好坦白咁同我講,陳生我都唔隱瞞你,其實我哋冇一個同事係識得處理輻射嘅物料嘅,所以我哋就只係運曬去將軍澳堆填區埋左就算啦!吓!將軍澳嘅居民真係恭喜晒!呢啲嘢連審計署都冇講都唔查!