一段離奇六四影片 (Patreon)
Published:
2019-04-19 10:59:00
Imported:
2021-07
Content
我喺Facebook 放咗疑似Leica廣告,喺今年六四事件30周年將佢重演一次解放軍天安門屠殺以及放火燒屍!!相當難得,太震撼video!但係相機公司即刻公告割𥱊,話唔係自己公司廣告只係人哋嘅微電影!都係同大陸做生意緊要啲!但係有啲嘢我都喺呢度再想講下!話說其實今朝send呢條片比我嘅人係一個大型左派集團嘅朋友,而且佢都好興奮相關疑似廣告拍得出天安門大屠殺事件,並且叫我地快啲傳出去唔係一陣間俾人删!你可能覺得好奇怪,但其實我話比你哋聽,喺香港極大量真正左派組織裏面嘅人都係反共嘅!有啲係出邊就扮晒蟹,有啲就潛伏緊,有啲心底以正義行先,所以出邊果嗰藍絲嘍羅哋根本唔認識真正左派!甚至兩個鐘頭之後,同一個左派人士再send message過嚟:「我同大家反應都好大,後來諗返轉頭,其實回歸前後,如果同一條片放出嚟,響香港人眼中,根本覺得這不是一回事,十分正常。這就是溫水煮蛙!.....我哋嘅意識都受到影響,有些理所當然嘅事,就變成左勇氣可嘉!」突然間俾佢提醒番,係喎!我都俾人影響晒!根本唔應該大驚小怪嘅片依家係呢個空間收窄到咁嘅香港覺得好驚訝好興奮!突然間覺覺得好悲哀!一個左派組織嘅人比我仲清醒!
Ps 曾經有兩個係左派組織資深嘅人員同我親口講:「共產黨信唔過㗎!」但港豬真係唔係你想像中咁野少!